વોશિંગ્ટન: વિશ્વના સૌથી અમીર ઉદ્યોગપતિ ઈલોન મસ્કે દાવો કર્યો હતો કે તેમની હત્યા કરવામાં આવી શકે છે. અમેરિકાના રાષ્ટ્રપતિ જો બાઈડેનનો પુત્ર હન્ટર બાઈડેન બાબતના ખુલાસાઓ સહિત અન્ય વિષયો પર લાઇવ ક્યુ એન્ડ સેશનમાં મસ્કે આ દાવો કર્યો હતો. આ ઉપરાંત, ચર્ચા દરમિયાન, ટેસ્લા અને સ્પેસએક્સના CEO એ ફ્રી સ્પીચના મહત્વ અને ટ્વિટર માટે તેમની ભાવિ યોજનાઓ વિશે વાત કરી હતી.

મસ્ક ઓપન-એર કાર પરેડ કરશે નહીં
ટ્વિટર સ્પેસ પર બે કલાક લાંબી વાતચીતમાં, મસ્કએ કહ્યું કે તે કોઈ ઓપન-એર કાર પરેડ કરશે નહીં. તેમણે વધુમાં જણાવ્યું હતુ કે 'સાચું કહું તો, હું મારી સાથે કંઈક ખરાબ થવાની આશંકા છે, અથવા તો મને ગોળી મારવાનું જોખમ છે.'

હકીકતમાં, ગયા દિવસોમાં બાઈડેનના પુત્રના લેપટોપ વિવાદને દબાવવાની કહાની ટ્વિટર પર જણાવવામાં આવી હતી. હન્ટર બાઈડેન 2 વર્ષ પહેલા આ મામલે ફસાઈ ગયો હતો.

ટ્વિટર ફાઈલોના નામે કરવામાં આવેલા ખુલાસામાં એવું કહેવામાં આવ્યું હતું કે ન્યૂયોર્ક પોસ્ટના હન્ટર બાઈડેન લેપટોપ સ્ટોરી પર ટિપ્પણી કરનાર યુઝર્સને ટ્વિટરના ટોચના અધિકારીઓ દ્વારા સસ્પેન્ડ અને સેન્સર કરવામાં આવ્યો હતો. મસ્કએ દાવો કર્યો હતો કે ફાઇલ્સ દર્શાવે છે કે ટ્વિટર 2020ની રાષ્ટ્રપતિની ચૂંટણીમાં ડેમોક્રેટિક નેશનલ કમિટીના એક હાથા તરીકે કામ કરી કહ્યું હતુ.

એવું ભવિષ્ય જ્યાં આપણે ડર્યા વગર બોલી શકીએ
મસ્કે સ્વતંત્ર વાણી વિશે પણ વાત કરી. તેમણે કહ્યું, "અમે માત્ર એવું ભવિષ્ય ઇચ્છીએ છીએ જ્યાં અમારા પર જુલમ ના થાય," જ્યાં અમારા અવાજને દબાવવામાં ન આવે, અને અમે કોઈપણ ભય વિના અમારી વાત રજુ કરી શકીએ.' મસ્કે વધુમાં કહ્યું, 'જ્યાં સુધી તમે બીજાને નુકસાન નહીં પહોંચાડો ત્યાં સુધી તમારે જે જોઈએ છે તે કહેવાની છૂટ આપવી જોઈએ. તેમણે કહ્યું, 'કંટ્રોલ્ડ સ્પીચ ડિફોલ્ટ છે, ફ્રી સ્પીચ નથી.