નવી દિલ્લી: ભારતીય મહિલા ટીમે દક્ષિણ કોરિયાના યેચેઓનમાં ચાલી રહેલા વર્લ્ડ કપ સ્ટેજ-2 કમ્પાઉન્ડ તીરંદાજીમાં ગોલ્ડ મેડલ અને મિક્સ્ડ ટીમ સિલ્વર મેડલ જીત્યો છે. શનિવારે રમાયેલી મહિલા ફાઈનલમાં ભારતીય ટીમે તુર્કીને હરાવ્યું હતું, જ્યારે મિક્સ્ડ ટીમ અમેરિકા સામે હારી ગઈ હતી. મહિલા ફાઈનલમાં, જ્યોતિ સુરેખા વેન્નમ, પ્રનીત કૌર અને અદિતિ સ્વામીની ભારતીય ત્રિપુટીએ તુર્કીની હઝલ બુરુન, આયસે બેરા સુઝાર અને બેગમની ત્રિપુટીને 232-226થી હરાવ્યા હતા.

વર્લ્ડ કપમાં ભારતીય ત્રણેયનો સતત ત્રીજો ગોલ્ડ
વર્લ્ડ કપમાં ભારતીય ત્રણેયનો આ સતત ત્રીજો ગોલ્ડ છે. અગાઉ આ ત્રિપુટીએ આ વર્ષની શરૂઆતમાં શાંઘાઈમાં યોજાયેલા વર્લ્ડ કપ સ્ટેજ-1માં ઈટાલીને હરાવીને ગોલ્ડ જીત્યો હતો. આ પહેલાં તેમણે ગયા વર્ષે પેરિસમાં યોજાયેલા વર્લ્ડ કપ સ્ટેજ-4માં પણ ગોલ્ડ જીત્યો હતો.

સેમિફાઈનલમાં USAનો પરાજય થયો
આ પહેલા સેમિફાઈનલમાં ભારતીય મહિલા ટીમે વિશ્વની ચોથા નંબરની ટીમ USAને 233-229થી હરાવ્યું હતું. તુર્કીએ દક્ષિણ કોરિયાને 234-233થી હરાવીને ફાઈનલમાં પોતાનું સ્થાન નિશ્ચિત કર્યું હતું. ભારતીય મહિલા ટીમ માટે આ સરળ પ્રવાસ હતો. ક્વોલિફાઇંગ રાઉન્ડમાં બીજા સ્થાને રહીને ટીમને ક્વાર્ટર્સમાં બાય મળી. તેમણે છેલ્લા આઠમાં ઈટાલીને 236-234થી હરાવ્યું હતું.